Gelo di çar rojan de 6 leşkerên Kurd xwe dikujin?
STENBOL - Her roj li mirinên bi guman ên leşkeran yeke din jî zêde dibe. Di van çar rojên dawiyê de li Colemêrg, Xarpêt, Dîlok, Kastamonû û Çaneqeleyê 6 leşkerên Kurd jiyana xwe ji dest dan. Hate angaştin ku ji van 6 leşkeran çaran xwe kuştine û her duyên din jî bi şaşitî gulle li hev reşandine. Lê malbatên leşkerên kurd jî ji van îdîayan bawer nakin û serî li İHD û Mazlum-Der dan û alîkariya hiqûqî xwestin. Wezareta Parastinê ya Tirk ragihand ku di 5 salên dawiyê de 408 leşker xwe di qişleyan de kuştine.
Di Nimêja Cejnê de operasyon hatin şermezarkirin
NAVENDA NÛÇYEAN - Di çarçoveya çalakiyên Raperîna Sivîl a ku ji aliyê BDP'ê û KCD'ê ve hate destpêkirin, piştî nimejên înê û terawîhên sivîl, niha jî nimêja Cejna Remezanê ya sivîl hate kirin. Li Şirnex, Mêrdîn, Sêrt û Amedê bi girseyî nimêjên cejnê yên sivîl hatin kirin.
ŞEVA LEYLETULQEDRÊ BIMBAREK BE
Leyletulqedir, bi me'na şeva şeref û rûmetêye. Ev şev destpêka hatina Quranêye. Ji ber vêye ku şevek pirr bi qedir û rûmete. Xweda (cc) di Quranêda dibêje, "Di wê şevê da tiştên pir girîng ji hev tên qetandin û diyarkirin". Bi taybetî suretek Quranê (suretê inna enzelnahu) bi navê vê şevê hatiye navdan. Xwedê di vî suretî da wiha ferman dike "Bê guman ku me Quran di şeva qedrê da şandiye, tu dizanî şeva qedrê çiye? Şeva qedrê, îbadetên têda ji yên hezar mehî bi xêrtirin, Ferîşte (melaîket) û ruh di vê şevê da nazil dibin. Bi destûra Xwedê karên girîng dikin. Ev şev Ji êvarê heya berbanga sibehê selamet û rehmete. Bi rastî tu şev weke vê şevê derheqê wê da ayat û hedîsên sehîh pir nehatine. Xweda (cc) girîngiyek pir mezin daye vê şevê. Divê ku em jî, girîngiyek û ehemiyetek pir mezin bidinê, bi îbadet, di'a û tewbeyan derbaskin, ku bibin mezherê lutuf û kerema Xwedê.
DÎROKA DEWLETA TIRKAN REŞ E
NAVENDA NÛÇEYAN - Dewleta Tirk cara 26’emin bi pêşengiya Hikûmeta AKP’ê û Serokwezîr Recep Tayyîp Erdogan dibêje; “Sebra me êdî nema, an wê biqede, an wê biqede” û dest bi operasyona hewayî ya dersînor kir. Di êrişa hewayî ya herî dawî de pêçek jî di nav de, bi giştî 7 sivîl hatin qetilkirin. Lê ev ne yekem car e ku dewleta Tirk di van êrişan de sivîlan qetil dike.
Barzanî: Ger şer dest pê bike em ê jî tiştên pêwîst bikin
HEWLÊR - Serokê Herêma Kurdistanê Mesûd Barzanî diyar kir ku êrîşên Îran û Tirkiyeyê ji ber tirsa hêz û yekîtiya kurdan e û got ku ew ê ji bo çareserkirina pirsgirêka kurd hemî riyên dîplomatîk biceribînin. Barzanî wiha got: "Heke rawestandina êrîşan aliyeke li dijî Herêma Kurdistanê êrîşeke bejayî dest pê bike em ê ji hebûna xwe ya neteweyî û berjewendiyên xwe tawîz nedin û ji bo parastina destkeftiyên xwe tiştên pêwîst bikin."
Di êrişa artêşa Tirk de 7 kes mirin
QENDÎL - Di encama bombebarana artêşa Tirk de malbatek hate qetilkirin. Li gor agahiyên dawiyê, balafirên şer ên artêşa Tirk li devera Kortek a bajaroka Sengeser a navçeya Ranayayê wesayîtekê a sivîla kir hedef. Di encamê de jinek û 5 zarokên xwe û ajokarê bi navê Huseyn ê xizmê malbartê jiyana xwe ji dest dan.
Niyeta Erdogan a di Remezanê de şer e
Parlamenterê AKP'ê: Em ê pisgirêka kurd bi çekan çareser bikin
Parlementerê AKP'ê Nurettîn Caniklî, got ew hemû pirsgirêkên Tirkiyeyê çareser dikin û îdia kir ku ew ê pisgireka kurd jî bi kadroyên leşkerî yên profesyonel çareser bikin.
Li Kurdistanê wehşet ronî dibin
Gora komî ya li Dêrsimê tê vekirin
DÊRSIM - Hate ragihandin ku gorek komî ya piştî şerekî 14 sal berê ku tê îdîakirin 24 cenaze têde ne ew ê roja înê were vekirin.
Elmanya: Em Îslamiyetê gotûbêj bikin
BERLÎN - Ji bûyera 11’ê Îlonê heta niha Ewrûpa derbarê Misilman û koçberan de gotûbêj dike. Li Elmanyayê êrişên li dijî Misilmanan zêde bûne, Wezîrê Navxweyî yê Elman Hans-Peter Friedrich xwest ku mijara Îslamiyetê divê bi awayeke vekirî û berfireh were gotûbêjkirin..
Di nimêjên înê de êrîşên nijadperstane hatin şermezarkirin
NAVENDA NÛÇEYAN - Li Şirnex, Cizîr, Silopî, Misirc, Licê, Farqîn, Nisêbîn, Qoser, Riha, Wêranşar, Serêkaniyê, Dêrîk, Bimîl, Amed, Colemêrg, Gever, Wan, Elbak, Gimgim, Kop, Melezgîrt, Tetwan, Edene, Mêrsîn, Stenbol û Bazîdê li gel germahiya hewayî ya zêdeyî 40 dereceyî bi hezaran welatî hatin ba hev û nimêja înê kirin. Di weaz û xutbeyên ku hatin dayîn de êrîşên ku di demên dawî de li dijî kurdan zêde bû hatin şermezarkirin. Di weazan de hate xwestin ku kurd yekîtiya xwe xurt bikin.
